Կամարը մեր ազգային խորհրդանիշն է, որը դարեր ի վեր եղել է մեր ժողովրդի հանճարի վկան և մեր ինքնության անկոտրում ողնաշարը։ Քարերից քանդակված կամարը վեր է խոյացել եկեղեցիներում, կամուրջներում, կառավարական շենքերում ու բնակարաններում՝ փոխանցելով հայկական քաղաքակրթության շարունակականությունը ժամանակի միջով։
Կամարը՝ միաժամանակ Կամուրջ և Դարպաս
Մեր կամարը կամուրջ է, որը միավորում է Հայաստանում, Հայկական Լեռնաշխարհում ու Սփյուռքում ապրող հայերին։ Այն կապում է բոլոր նրանց, ովքեր դիմադրում են հանձնվելուն, նրանց, ովքեր երազում են մեր ազգի վերածննդի մասին։
Մեր կամարը դարպաս է, որը կապում է անցյալն ու ապագան՝ սերունդների հավատը, ջանքը և ուժը ուղղելով դեպի առաջ շարժվող միակ ուղին՝ ազգային միություն, ինքնիշխանություն և ուժ։
Կամարի հիմքը հայ ժողովուրդն է՝ հորիզոնական, հավասար, միավորված։ Արևելքից Արևմուտք, Հայաստանում և իր սահմաններից դուրս՝ մենք կենդանի հիմքն ենք և մեր ապագա ժողովրդավարության անկյունաքարը։
Երեք Կամարները՝ Ազգ, Հայրենիք, Պետություն
Երեք կամարները կրում են մեր ժողովրդի ճակատագիրը.
Առաջին կամարը Ազգն է՝ բարձրագույն և հավերժական։ Այն հայության ոգին է, այն ուժը, որ պաշտպանում և վեր է խոյացնում։
Երկրորդ կամարը Հայրենիքն է՝ երկիրն ու հողը, լեռներն ու գետերը, սուրբ հողը, առանց որի ազգը չի կարող շնչել։
Երրորդ կամարը Պետությունն է՝ հայ ժողովրդի կազմակերպված ուժը, կառուցվածքը, որի վրա հիմնվում են մեր գոյությունն ու բարգավաճումը։
Այս կամարները անբաժան են։ Եթե մեկը փլվի, բոլորը կփլվեն։ Եթե մեկը բարգավաճի, բոլորը կբարգավաճեն միասին։
Մենք Ազգ Առաջն ենք։ Ժամանակն է միավորվելու և վերակառուցելու մեր Ազգը, մեր Հայրենիքը, և մեր Պետությունը։
Միացի’ր մեզ։ Տարածի’ր մեր խոսքը։
